豆腐蛋糕

 

 

 

 

 

 

 

 

天酵紫薯包 pandor

本來諗住行郊遊樂野餐嗰陣食，點知今日落雨變成一人一件打包返歸既 - 天酵紫薯包

有包友約左我今日去行山&野餐，緊係要做好準備啦！講左話要請佢地食天酵🍞🍞都講左好耐啦，一於整定帶埋去郊遊樂先！點知最後今日落雨，郊遊樂變左去沙田飲茶+去萬佛寺行左個圈就返歸啦，唯有一人一件打包返屋企😅😅

呢幾日天氣凍左，整天酵🍞🍞特別需要耐心，尋日由餵養天酵到成品，差不多用左10個鐘時間！但係睇住個🍞🍞成功出爐真係好感動😭😭果然慢功出細貨，今次呢個紫薯🍞🍞發酵得好靚，仲特別香軟添💓💓

天酵紫薯包食譜：

（麵包機搓麵團+水合法）

高筋麵粉 200g

紫薯 100g

鮮奶 50g + 約50g（後落）

鹽 4g

蜜糖 35g

芥花籽油 約20g（目測冇量到）

天酵種 120g

 

步驟：

1.高筋麵粉+紫薯+50g鮮奶+鹽+蜜糖置麵包機內，開啓麵團模式／烏冬模式，搓成團後分數次加入另外量好既50g鮮奶，每次確保麵團將鮮奶搓勻後先再加入（如見到麵團濕度已經足夠，可以唔加晒呢50g奶都得），後加鮮奶搓勻後關機讓麵團休息30分鐘。

2.加入120g天酵種，使用麵團模式／烏冬模式重新開機，當麵團跟天酵搓勻後就可以分數次加入油份（每次確保油份被麵團完全吸收先再添加油份，一次過加太多會好難搓），然後讓麵包機繼續搓至停機後取出麵團摺圓置盤中，進行第一次發酵（冬天發酵慢可放焗爐內加碗熱水幫助發酵），發酵至2-2.5倍為之發酵完成。（雖然我部焗爐有發酵模式，但係尋日室溫約二十度，第一次發酵用發酵模式都用左大概3小時先完成）

3.第一次發酵後將麵團排氣，分割85g一份（共8份），滾圓後靜置15分鐘鬆馳後便可造型。今次造型好簡單，好似整吐司咁將麵團碌長後捲起即可。8吋戚風模塗油，將已造型麵團平均放入模中即可進行第二完發酵，發酵至2.5倍為之完成（我都係用焗爐發酵模式，二發用左約2.5小時）。

4焗爐預熱180度，於麵團表麵噴少少水，再灑上一層高筋麵粉，入爐後放底層焗35分鐘即成。

Cupcake

蛋糕仔有 冇人钟意食？

材料：

A

1)橙汁90g

2)沙拉油 30g

3)幼糖10g

B

低筋面粉90g

C

蛋黄5粒

D

蛋白5粒

米醋两滴

糖40g

做法：

1：将 A 煮至熱熄火，倒入 B拌匀放一边至凉。

2：把C打散分 2次加入 1 拌均匀成幼滑面糊。

3：将D打至硬性发泡。蛋糊分次混合拌匀。

4：倒入纸杯模约 8分满。

5：噔出气泡，放最低层低温(我放100度。个人焗炉温度大不同，所以温度要自己拿捏了)焗45分钟。温度提高到120转上火焗多 5分钟。

6：焗炉门开个小缝大约几分钟才将蛋糕拿出再噔几下(可以防止蛋糕严重收缩)。